Pakketilbod
Vintermagi i flåm
Den ultimate fjordopplevinga
Opplev det beste av Flåm på ein uforgløymeleg dag. Start med ein spennande FjordSafari, slapp av i ein flytande FjordSauna, og nyt ein velsmakande vikinginspirert middag på Ægir BryggeriPub, midt i hjarta av vakre Fjord Norge.
Pakkepris: kr. 1895,- per person
(Ordinærpris: kr. 2080,- per person)
Tilgjengeleg 1. November 2024 til 31. mars 2025
Den perfekte vinterdagen ved fjorden
Førestill deg å vakne i vakre Flåm, med frisk vinterluft og flott fjordutsikt som set stemninga for ein minnerik dag.
11:30-14:00 VINTER FJORDSAFARI
Bli med på FjordSafari gjennom den imponerande Aurlandsfjorden og UNESCO-lista Nærøyfjorden. Med maksimalt 12 personar i båten, vert det ei intim oppleving der guiden deler spennande historier om livet ved fjorden. Er du heldig, kan du sjå sel, niser og ørn på turen. Det vert eit stopp i den sjarmerande bygda Undredal for ein varm drikk og sjansen til å smake på den berømte geitosten. Du kan legge til ostesmaking for kr. 150,- pp. (betalast til FjordSafari før avreise), eller utforske bygda på eiga hand.
14:30-16:00 Fjordsauna (fellessauna)
Etter ein oppkvikkande FjordSafari-tur, vert du omfamna av deilig varme ombord den flytande FjordSaunaen. Her får du vakker utsikt over fjord og fjell medan du nyt djup avslapping og kjenner spenningar sleppe taket. Ta eit forfriskande bad i det klare, kalde vatnet. Kontrasten mellom varmt og kaldt vekkjer sansane dine og gir deg ny energi.
18:00 Ægir Vikingplanke
Når kvelden kjem, ventar koseleg atmosfære og ein knitrande peis på Ægir BryggeriPub. Til middag vert det servert Ægir Vikingplanke - ein 5-rettars mat- og ølplanke som er ein fest for sansane. Kvar rett er nøye para med øl frå Ægir Bryggeri, og blandar tradisjonelle og moderne ingrediensar. Smakane er rike og tilfredsstillande, og sikrar ei minneverdig matoppleving.