vi er Miljøfyrtårn-sertifisert!

Ved å velje ei miljøfyrtårn-sertifisert verksemd, bidreg du til ei meir berekraftig framtid.

Flåmsbrygga omfattar Flåmsbrygga Hotell - Bryggerihotellet, Ægir BryggeriPub, Furukroa Kafé, Flåmstova Restaurant, samt møte- og selskapslokale. Flåmsbrygga er lite og intimt med ein særprega stil – både tradisjonell og rustikk, men samstundes moderne og delikat.

Flåmsbrygga Hotell er Miljøfyrtårn-sertifisert. Vår miljøstrategi er å til ein kvar tid kartlegge moglegheiter for å gjere tiltak for å kunne drive på ein mest mogleg miljøvenleg måte. Vi forheld oss til strenge krav mellom anna innan arbeidsmiljø, innkjøp, energiforbruk, transport, avfall og utslepp. Dette til glede for våre gjester, tilsette, lokalsamfunnet og ikkje minst dei fantastiske omgjevnadene hotellet er lokalisert i.

Vi spelar ei viktig rolle i det lokale samfunnet med å vere ein trygg arbeidsplass. I dag har vi 35 heilårsstillingar. Mange av våre tilsette starta å jobbe hjå oss som sesongarbeidarar. Etter ei tid slo dei seg ned i området og starta sine eigne familiar. Det er viktig for våre skular, offentlege tenester innan handel og helse, i tillegg til våre gjester som får oppleve eit levande bygdesamfunn.

Vi oppfordrar våre gjester til å reise berekraftig - nyt ei spanande togreise frå Bergen eller Oslo, før du byttar til Flåmsbana. Nyt eit fjordcruise på Nærøyfjorden ombord ein heil-elektrisk båt, eller reis med hurtigbåten frå Bergen. Fleire av opplevingane og attraksjonane i Flåm har liten eller inga miljø- og klimapåverking. Flåm og området rundt er også ideelt for fotturar eller sykling.

Ægir er vårt eige bryggeri som produserar eit stort utval handlaga øl, gin, vodka og mjød. Våre produkt, brygga med det ferskaste fjellvatnet, har fått fleire internasjonale prisar. Vår mat filosofi er at det skal vere Ægir øl i og til maten. Vår signaturrett Ægir Vikingplanke, ein unik 5-retters øl- og matmeny, er eit godt eksempel på det. Vi jobbar tett saman med lokale bønder og produsentar, og på vår meny får du smake fisk, fleire typar ost, grønsaker og sesongens bær. Fleire av våre råvarer kjem også frå Jord- og Hagebruksskulen i Aurland, samt Haugen gard i Flåm. Vi har vegetariske og veganske rettar på våre menyar.

Eksempel på våre miljøtiltak:

• Oppfordrar våre gjester til å bu to netter hjå oss. Dersom ein bur i fleire netter, må ein be om reingjering og nye handklede

• Såpedispenser på alle våre rom og fellesareal

• Miljøvenlege reigjeringsprodukt

• Sortering av avfall

• Smart energisparing og energieffektiv belysing

• Sosiale aktivitetar for våre tilsette